బహ్రెయిన్ కు చెందిన గల్ఫ్ ఎయిర్ ఎట్టకేలకు ఒమన్ రాజధాని మస్కట్ కు విమాన సర్వీసులను పునరుద్ధరించింది. ఆదివారం (ఆక్టోబర్ 4) నుంచి మస్కట్ కు బహ్రెయిన్ నుంచి డైరెక్ట్ ఫ్లైట్స్ ఆపరేట్ చేస్తున్నట్లు గల్ఫ్ ఎయిర్ ప్రతినిధులు ప్రకటించారు. దీంతో మస్కట్ వెళ్లాలనుకునే వారికి కొంత వెసులుబాటు దక్కినట్లైంది. ఇన్నాళ్లు బహ్రెయిన్ నుంచి మస్కట్ వెళ్లాలనుకునే ప్రయాణికులు ఇతర దేశాలకు వెళ్లి అక్కడి నుంచి మళ్లీ మస్కట్ కు వెళ్లాల్సి వచ్చేది. ఇక ఇప్పుడు గల్ఫ్ ఎయిర్ తమ సర్వీసులను పునరుద్ధరించటంతో నేరుగా మస్కట్ చేరుకోవచ్చు. ఇదిలాఉంటే...ప్రపంచంలోని పలు దేశాలకు విమాన సర్వీసులు నడుపుతున్న గల్ఫ్ ఎయిర్ కు గల్ఫ్ దేశాల్లో మాత్రం మస్కట్ ప్రధాన వనరుగా ఉంటూ వస్తున్న విషయం తెలిసిందే.