మనామా:ఇస్లాం మతాన్ని, ఆచారాలను కించపరిచేలా వ్యాఖ్యానించినందుకు ఓ మహిళకు ఏడాది పాటు నాన్-సస్పెండ్ జైలు శిక్ష విధించింది బహ్రెయిన్ లోయర్ క్రిమినల్ కోర్టు. శిక్ష పడిన మహిళ తన ట్విట్టర అకౌంట్లో ఇస్లాం మత ఆచారాలపై వివాదస్పద వ్యాఖ్యలు చేసిందని యాంటీ సైబర్ క్రైమ్ అధికారులు గుర్తించారు. దీంతో ఆమె ట్విట్టర్ అకౌంట్ వివరాలను పబ్లిక్ ప్రాసిక్యూషన్ దృష్టికి తీసుకువెళ్లింది. ఇస్లాం మత ఆచారాలను కించపరిచేలా ఆమె వ్యాఖ్యానించినట్లు వివరించింది. దీనిపై దర్యాప్తు జరిపించిన పబ్లిక్ ప్రాసిక్యూషన్..ఆరోపణలు ఎదుర్కొంటున్న సదరు మహిళ నేరానికి పాల్పడినట్లు ప్రాధమికంగా నిర్ధారించుకుంది. ఆమె కస్టడీలోకి తీసుకోవాలని ఆదేశించింది. అనంతరం న్యాయ విచారణ చేపట్టి ఆ మహిళకు ఏడాది పాటు నాన్-సస్పెండ్ జైలు శిక్ష విధిస్తున్నట్లు తీర్పు వెలువరించింది.