కువైట్ సిటీ ‌:నలుగురు ఇండియన్స్‌, ఆల్కహాల్‌తో పట్టుబడిన దరిమిలా వారిని డిపోర్టేషన్‌ చేస్తున్నట్లు అధికారులు వెల్లడించారు. క్యాపిటల్‌ సెక్యూరిటీ డైరెక్టరేట్‌ డైరెక్టర్‌ జనరల్‌ మేజర్‌ జనరల్‌ అబ్దీన్‌ అల్‌ అబ్దిన్‌ ఈ విషయాన్ని వెల్లడించారు. నిందితులు ఎక్కడి నుంచి ఆల్కహాల్‌ సేకరించారన్నదానిపై విచారణ కొనసాగుతోంది. నిందితులు తిరిగి కువైట్‌కి రాకుండా వారిని బ్లాక్‌ లిస్ట్‌లో పెడుతున్నట్లు అధికారులు పేర్కొన్నారు. కాగా, ఓ అరబ్‌ వలసదారుడు నార్కోటిక్‌ సబ్‌స్టాన్సెస్‌తో పట్టుబడ్డారు. మరోపక్క, ముగ్గురు భారతీయులు ఆల్కహాల్‌తో పట్టుబడ్డారు. దస్మా పోలీస్‌ స్టేషన్‌ హెడ్‌ లెఫ్టినెంట్‌ కల్నల్‌ హమదాన్‌ అల్‌ అజామి మాట్లాడుతూ, ఆరుగురు వలసదారుల్ని ఇన్‌స్పెక్షన్‌ క్యాంపెయిన్‌ సందర్భంగా అరెస్ట్‌ చేసినట్లు చెప్పారు.