అబుధాబి:కొత్త డ్రైవ్‌ త్రూ లేన్‌ - కోవిడ్‌ 19 టెస్టింగ్‌ ఫెసిలిటీ అబుధాబిలో ప్రారంభమయ్యింది. మురూర్‌లోని అల్‌ జజిరా స్పోర్ట్స్‌ క్లబ్‌ ఎదురుగా  క్యాపిటల్‌ హెల్త్‌ స్క్రీనింగ్‌ సెంటర్‌ ఎదురుగా ఈ ఫెసిలిటీని ఏర్పాటు చేశారు. రెసిడెంట్స్‌ మరియు టూరిస్టులు 180 దిర్హాములకే టెస్ట్‌ చేసుకోవచ్చు. ముందస్తుగా అపాయింట్‌మెంట్స్‌ అవసరం లేదు. ఎస్‌ఎంఎస్‌ ద్వారా 24 నుంచి 38 గంటల్లోపు వారికి రిజల్ట్‌ అందుతుంది. ముబాదల హెల్త్‌ కేర్‌ సీనియర్‌ వైస్‌ ప్రెసిడెంట్‌ హసన్‌ జసెం అల్‌ నోవాయిస్‌ మాట్లాడుతూ, తమ ట్రీట్‌మెంట్‌ ఫెసిలిటీస్‌ కోవిడ్‌ 19 ఫ్రీగా మారడంతో, ప్రభుత్వానికి పూర్తిస్థాయిలో సహకారాలు అందించే క్రమంలో హై వాల్యూం టెస్టింగ్‌ పాలసీని అందిస్తున్నట్లు పేర్కొన్నారు. అత్యంత ఖచ్చితత్వంతో డెడికేటెడ్‌ లేబరేటరీ ద్వారా ఈ పరీక్షలు నిర్వహిస్తున్నట్లు పేర్కొన్నారు.