ఇండస్ట్రీ, కామర్స్‌ నఅండ్‌ టూరిజం మినిస్ట్రీ, బహ్రెయిన్‌లో ఆన్‌లైన్‌ బిజినెస్‌ చేస్తున్న వలసదారుల్ని బ్యాన్‌ చేయడంపై భిన్న వాదనలు విన్పిస్తున్నాయి. ఈ నిర్ణయం ద్వారా, ఆ బిజినెస్‌పై ఆధారపడిన వలసదారులు, బహ్రెయిన్‌ని విడిచిపెట్టే అవకాశం ఉందనీ, అది దేశంలోని అన్ని బిజినెస్‌లపైనా ఎంతోకొంత ప్రభావం చూపుతుందని కొందరు అభిప్రాయపడ్డారు. అయితే అధికార వర్గాలు తమ నిర్ణయాన్ని సమర్థించుకున్నాయి. ఎలాంటి లైసెన్సులూ లేకుండా, ఆఖరికి సరైన అడ్రస్‌ లేకుండా చేపడ్తున్న ఈ వ్యాపార కార్యకలాపాలు అనైతిక చర్యలకు ఆస్కారం కల్పిస్తాయని అధికారులు చెప్పారు. ఇంకొందరు ప్రభుత్వ నిర్ణయాన్ని సమర్థించారు. ఇది మంచి నిర్ణయమని కొనియాడారు. స్థానిక వ్యాపారులు లైసెన్సులు పొంది, తమ వ్యాపారాలను ఇ-బిజినెస్‌ ద్వారా చేసుకోవచ్చని అధికారులు స్పష్టం చేయడం జరిగింది. వెబ్‌సైట్లు, సోషల్‌ మీడియా ద్వారా ఎక్కువగా ఎలక్ట్రానిక్‌ వస్తువులకు సంబంధించిన బిజినెస్‌ జరుగుతోంది. ఈ రంగంపై 'బ్యాన్‌' నిర్ణయం తీవ్ర ప్రభావం చూపనుంది.