దీపావళికి టపాకాయలు కాల్చేటప్పుడు తీసుకోవలసిన జాగ్రత్తలు చెప్పిన డా.మురళీధర్‌ రామప్ప

దీపావళికి టపాకాయలు కాల్చేటప్పుడు తీసుకోవలసిన జాగ్రత్తలు చెప్పిన డా.మురళీధర్‌ రామప్ప

దీపావళి కాంతులు, శబ్దాల పండగ. బాణాసంచా కాల్చేటప్పుడు చిన్న పిల్లలను పెద్దవాళ్లు ఒకరు పర్యవేక్షించాలి. దీపావళికి మీరు టపాకాయలు కాల్చానుకుంటే దయచేసి ఈ క్రింది జాగ్రత్త లు తీసుకోండి.

చేయవలసినవి: 

·  అనుమతి ఉన్నవారినుంచే టపాకాయలు కొనండి. వాటిని 2 రోజులు ఎండబెట్టండి.

·  టపాకాయలను పిల్లలకు మరియు గ్యాస్‌ సిలండర్‌ లేదా నూనె డబ్బావంటి మండే పదార్దాలకు దూరంగా అట్టడబ్బాలో భద్రపరచండి.

· టపాకాయలతో ఆడుకునేటప్పుడు పిల్లలను ఒంటరిగా వదలకండి.

·  ఒకసారి ఒక వ్యక్తి మాత్రమే టపాకాయలను కాల్చాలి. మిగిలినవారు దూరంగా నిలబడి చూడాలి.

· ఆరుబయటి ప్రదేశంలో టపాకాయలు కాల్చాలి.

· టపాకాయలు కాల్చడానికి కేవలం ఒక పొడుగు కొవ్వత్తి లేదా కాకరపువ్వొత్తిని ఉపయోగించాలి.

· అందుబాటులో రెండు బకెట్లలో నీళ్లు ఉంచుకోండి. ఎవరికైనా కాలితే, కాలిన చోట బాగా నీళ్లు పొయ్యండి.

· ఎక్కువగా కాలితే మంట ఆర్పిన తరువాత ఆ వ్యక్తిని శుభ్రంగా ఉన్న దుప్పటిలో చుట్టి ఆసుపత్రికి తీసుకువెళ్లండి.

· ఒకవేళ కన్నుకు గాయమైతే 10 నిమిషాలపాటు నీళ్ళతో కడిగి ఆ వ్యక్తిని దగ్గరలో ఉన్న కంటి ఆసుపత్రికి వెంటనే తీసుకువెళ్లండి.

చేయకూడనివి :

· టపాకాయలను చేతిలో పట్టుకుని కాల్చకండి.

· టపాకాయలు కాల్చేటప్పుడు వాటిమీద వంగకండి.

· సీసా, రేకు డబ్బా లేదా బోర్లించిన కుండవంటి పాత్రలో పెట్టి టపాకాయలను కాల్చకండి. అది చాలా ప్రమాదం కావచ్చు.

· వెంటనే కాలని టపాకాయలకు దగ్గరకు వెళ్లేముందు కొంతసేపు ఆగండి.

· మిగిలిపోయిన టపాకాయను ఏరి మీ స్వంత టపాకాయలను తయారు చేయకండి.

· మీ జేబులో టపాకాయలను పెట్టుకోకండి.

· కాలుతున్న కొవ్వొత్తులు, దీపాలు లేదా అగరువత్తుల దగ్గర వాటిని దాచకండి.

· టపాకాయలు కాల్చేటప్పుడు నైలాను దుస్తులు వేసుకోకండి. కేవలం మందంగా ఉండే నూలు దుస్తులు మాత్రమే వేసుకోండి.

· బాగా వదులుగా ఉన్న దుస్తులు వేసుకోండి, బట్టలను సరిగ్గా ఉంచుకోండి.

· కాలిన చోట క్రీము లేదా ఆయింట్మెంట్‌ లేదా నూనె రాయకండి.

· గాలి ఎక్కువగా ఉన్నట్లయితే, పైకి ఎగిరే టపాకాయలను కాల్చకండి.

 

డా.మురళీధర్‌ రామప్ప,

సీనియర్‌ కార్నియా కన్సల్టెంట్‌,

ఎల్‌ వి ప్రసాద్‌ ఐ ఇనిస్టిట్యూట్‌,హైదరాబాద్  

 

Back to Top