యూఏఈ వాసులకు లాంగ్‌ వీకెండ్‌ రాబోతోంది. ఐదు రోజుల వీకెండ్‌ విషయానికొస్తే, డిసెంబర్‌ 1 మంగళవారం నుంచి ఇది మొదలవుతుంది. కమ్మెమరేషన్‌ డేతో మదలయ్యే వీకెండ్‌, నేషనల్‌ డేతో కలుపుకుని, ఆ తర్వాత వారాంతాల్ని కూడా కలుపుకుంటే మొత్తం ఐదు రోజులు పబ్లిక్‌ హాలీడే అవుతుందని ఫెడరల్‌ అథారిటీ ఫర్‌ గవర్నమెంట్‌ హ్యామన్‌ రిసోర్సెస్‌ వర్గాల సమాచారాన్ని బట్టి తెలుస్తోంది. యూఏఈ ఫార్మేషన్‌ డే డిసెంబర్‌ 2, 1971. 49 ఏళ్ళ ప్రస్తానాన్ని ఈసారి మరింత ఘనంగా నిర్వహించేందుకు ఏర్పాట్లు జరుగుతున్నాయి. కమ్మెమరేషన్‌ డే అంటే, యూఏఈ కోసం త్యాగం చేసిన అమరవీరుల్ని జ్ఞాపం చేసుకునే ప్రత్యేకమైన రోజు.