విదేశాల్లో ఉవండిపోయిన వలసదారుల అబ్సెన్స్‌ పర్మిట్లు ఆటోమేటిక్‌గా రెన్యువల్‌ అవుతాయి. అలాగే, ఏ వలసదారుడైనా చెల్లుబటయ్యే వీసా పర్మిట్‌ మరియు పాస్‌పోర్ట్‌ కలిగి వుంటే, కువైట్‌లోకి ఎలాంటి సమస్యా లేకుండా ప్రవేశించవచ్చునని జనరల్‌ అడ్మినిస్ట్రేషన్‌ ఆఫ్‌ రెసిడెన్సీ ఎఫైర్‌ వెల్లడించింది. వీరికి దేశం వెలుపల ఎన్ని రోజులు వున్నారనే నిబంధనతో సంబంధం లేదు. అయితే, దేశంలోకి వచ్చేవారికి హెల్త్‌ ప్రోటోకాల్‌ తప్పనిసరి. క్వారంటైన్‌ నిబంధనలు వర్తిస్తాయి. నిషేధిత 34 దేశాల నుంచి డైరెక్ట్‌గా వచ్చేవారిపైనా ఆంక్షలు కొనసాగుతాయి. అరవయ్యేళ్ళ పైబడినవారిని దేశంలోకి రానివ్వబోరంటూ జరుగుతున్న ప్రచారాన్ని అథారిటీస్‌ కొట్టి పారేశాయి. ప్రస్తుత పరిస్థితుల్లో ఆయా వ్యక్తులు వారి భద్రత రీత్యా, వృద్ధులైతే ప్రయాణాలు మానుకోవడమే మంచిదని మాత్రం అథారిటీస్‌ సూచించడం జరుగుతోంది.