రియాద్:ఐదుగురు అక్రమ వలసదారుల్ని ఫేక్‌ స్టెరిలైజర్లు, డిటర్జెంట్ల ఆరోపణల నేపథ్యంలో అరెస్ట్‌ చేసినట్లు సౌదీ పోలీసులు వెల్లడించారు. నిందితుల్ని పాకిస్తానీ మరియు బంగ్లాదేశీ జాతీయులుగా గుర్తించినట్లు మక్కా రీజియన్‌ పోలీస్‌ అధికార ప్రతినిథి మేజర్‌ మొహమ్మద్‌ అల్‌ గామ్ది చెప్పారు. ఫేక్‌ ట్రేడ్‌ మార్కుల్ని ఉపయోగించి, కెమికల్‌ పదార్థాలతో బాట్లింగ్‌ చేస్తున్నట్లు అధికారులు వివరించారు. నిందితుల నుంచి 2,256 ప్యాకెట్లను స్వాధీనం చేసుకున్నారు. పంపిణీకి ముందు నిందితులు వాటిని ఓ వేర్‌ హౌస్‌లో భద్రపరిచారు. నిందితుల్ని అరెస్ట్‌ చేశామనీ, చట్టపరమైన ప్రొసిడ్యూర్స్‌ పూర్తి చేసి, పబ్లిక్‌ ప్రాసిక్యూషన్‌కి అప్పగిస్తామని పోలీసులు పేర్కొన్నారు.