దుబాయ్: కొత్త సంవత్సర వేడుకల నేపథ్యంలో ట్రాఫిక్ సమస్యలు తలెత్తకుండా దుబాయ్ రోడ్లు మరియు రవాణా అథారిటీ, బుర్జ్ ఖలీఫా చుట్టూ ప్రత్యేక ఏర్పాట్లు చేస్తోంది. ఉచిత బస్ సర్వీసులను కూడా అందుబాటులోకి తెస్తోంది. మొత్తం 200 బస్సులను ఉచితంగా ఏర్పాటు చేస్తున్నట్లు అథారిటీ ప్రకటించింది. ఈవెంట్ వెన్యూ నుంచి మెట్రో స్టేషన్ల వరకు అలాగే జనరల్ డైరెక్టరేట్ ఆఫ్ రెసిడెన్సీ మరియు ఫారినర్స్ ఎఫైర్స్, ముసల్లాహ్ అల్ ీద్ హాల్ (మన్ ఖూల్) అలాగే అల్ వసల్ క్లబ్ తదితర పార్కింగ్ లాట్స్ వరకు ఈ బస్సులు అందుబాటులో వుంటాయి. రోడ్ల మూసివేతకు సంబంధించి స్మార్ట్ స్ర్కీన్లను కూడా ఏర్పాటు చేసి, వాహనదారులకు అవగాహన కల్పిస్తారు. ఫైనాన్షియల్ సెంటర్ రోడ్, షేక్ మొహమ్మద్ రషీద్ బిఎల్వీడీ వంటి ప్రాంతాల్లో ట్రాఫిక్ లైట్లను మానిటర్ చేస్తారు. పబ్లిక్ సేప్టీని పరిగణనలోకి తీసుకుని, వాటర్ కెనాల్ పైన పాదచారుల వంతెనలు, వాటర్ కెనాల్ ఎలివేటర్లు, షేక్ జాయెద్ బ్రిడ్జిపై పాదచారుల పియర్ వంటివాటిని మూసివేస్తున్నారు.