దుబాయ్:కోవిడ్ 19 మార్గనిర్దేశకాల్లో మార్పులు తీసుకొస్తున్నట్లు దుబాయ్ అధికార యంత్రాంగం ప్రకటించింది. కొత్తగా విడుదల చేసిన మార్గనిర్దేశకాల మేరకు ఇక నుంచి దుబాయ్ లోని షాపింగ్ మాల్స్ లో ఇతర ప్రాంతాల్లో థర్మల్ స్కానర్లు, టెంపరేచర్ చెకింగ్స్ అవసరం ఉండదు. అలాగే వాలెట్ పార్కింగ్ విషయంలోనూ పాత నిబంధనల్లో మార్పులు చోటు చేసుకున్నాయి. స్టీరింగ్ వీల్, సీట్లకు ప్లాస్టిక్ కవర్లు మేయిన్టేన్ చేయాల్సిన అవసరం లేదు. ఇదిలాఉంటే..దుబాయ్ వ్యాపార రంగ వర్గం కోవిడ్ 19 నిబంధనల అమలులో పూర్తిగా సహకరించినట్లు, ఇప్పటికీ పూర్తి స్థాయిలో మార్గనిర్దేశాల మేరకు జాగ్రత్తలు పాటిస్తున్నట్లు అధికారులు ప్రశంసించారు. ఇప్పటివరకు ఇక్కడి వ్యాపార సముదాయాల నిర్వాహకులు ఒక్క ఫైన్, ఒక్క వార్నింగ్ ఎదుర్కొలేదన్నారు.