కువైట్ సిటీ:ఆదివారం, ఏడవ రింగ్ రోడ్డు వద్ద 60 ఇల్లీగల్ క్యాంప్ సైట్లను తొలగించినట్లు కువైట్ మునిసిపాలిటీ వెల్లడించింది. కోవిడ్ వ్యాప్తిని అరికట్టే క్రమంలో, ఎక్కువమంది గుమికూడకుండా చేసే క్రమంలో మినిస్ట్రీ ఆఫ్ హెల్త్ క్యాంప్ సైట్ల విషయంలో విధించిన నిబంధనల నేపథ్యంలో ఈ చర్యలు తీసుకున్నారు. కువైట్ మునిసిపాలిటీకి చెందిన సూపర్ విజన్ టీమ్, ఉల్లంఘనలకు పాల్పడే ఎలాంటి క్యాంప్ సైట్లనూ ఉపేక్షించే అవకాశమే లేదని అహ్మది గవర్నరేట్ క్లీనింగ్ అండ్ రోడ్ కన్‌స్ట్రక్షన్స్ డైరెక్టర్ ఫైసల్ అల్ ఒతైబి చెప్పారు. ఈ క్యాంప్ సైట్లను తొలగించే ప్రక్రియ నిరంతరం కొనసాగించేలా పలు టీములు పనిచేస్తున్నట్లు ఆయన వివరించారు.