హైదరాబాద్:తెలంగాణ రాష్ట్రంలో రాగల రెండు రోజుల వరకు వర్షాలు ఉన్నట్టు వాతావరణ శాఖ పేర్కొంది.  క్రింద స్థాయి తూర్పు గాలులలో 0.9కిమీ ఎత్తు వరకు ఏర్పడిన అల్పపీడన ద్రోణి కర్ణాటక తీరం వద్ద తూర్పు-మధ్య అరేబియన్ సముద్రం నుండి దక్షిణ కొంకణి మరియు గోవా మీదుగా దక్షిణ-మధ్య మహారాష్ట్ర వరకు విస్తరించి ఉంది. దీని ప్రభావంతో రాష్ట్రంలో ప్రధానంగా ఆగ్నేయ/ దక్షిణ దిశ నుండి గాలులు వీస్తున్నాయి. తెలంగాణ రాష్ట్రంలో ఈరోజు పొడి వాతావరణం ఏర్పడే అవకాశం ఉంది. రేపు మరియు ఎల్లుండి ఒకటి రెండు చోట్ల తేలికపాటి నుండి ఒక మోస్తరు వర్షాలు కురిసే అవకాశం ఉంది. ఈరోజు మరియు రేపు తెలంగాణ జిల్లాలలో ఒకటి రెండు ప్రదేశాలలో  ఉదయం సమయంలో తేలికపాటి పొగమంచు ఏర్పడే అవకాశం ఉంది.