కువైట్ సిటీ:కోవిడ్ వ్యాక్సిన్ ఫైజర్ బయోన్టెక్ రెండో విడత రవాణా ఈ వారంలోనే ఉంటుందని కువైట్ ఆరోగ్య మంత్రిత్వ శాఖ ప్రకటించింది. ఇప్పటికే తొలి విడతగా కోవిడ్ వ్యాక్సిన్ కువైట్ కు చేరుకున్న విషయం తెలిసిందే. అత్యవసర అనుమతులు పొందగానే ఒప్పందం మేరకు డిసెంబర్ 23న ఫైజర్ వ్యాక్సిన్ కువైట్ కు దిగుమతి అయ్యింది. ఆ మరుసటి రోజు నుంచే వ్యాక్సినేషన్ ప్రక్రియ కూడా ప్రారంభం అయ్యింది. పక్కా ఏర్పాట్లతో మిష్రిఫ్ లోని ఇంటర్నేషనల్ గ్రౌండ్స్ లో సెంటర్ హాల్ 5లో పంపిణీ కార్యక్రమం జరుగుతోంది. అయితే..ప్రస్తుతం రెండో విడతగా ఈ వారంలో వ్యాక్సిన్ రానుందని...ఇలా విడతలు విడతలుగా దేశంలోని పౌరులు, ప్రవాసీయులు అందరికీ వ్యాక్సిన్ అందేవరకు దిగుమతి జరుగుతుందని ఆరోగ్య శాఖ వివరించింది.