కువైట్ సిటీ:కువైట్ లో వర్క్ పర్మిట్ కలిగి ఉండి..కొంత కాలంగా విదేశాల్లో ఉంటున్న కార్మికుల పర్మిట్లను రద్దు చేస్తున్నట్లు మానవ వనరుల మంత్రిత్వ శాఖ ప్రకటించింది. వాళ్లంతా ఏడాది అంతకు మించి కువైట్లో ఉండటం లేదని స్పష్టం చేసింది. మొత్తం 33,414 వర్క్ పర్మిట్లను రద్దు చేస్తున్నట్లు వెల్లడించింది. అయితే..వర్క్ పర్మట్ల రద్దు విషయంలో రెసిడెన్సీ అనుమతుల గడువును ప్రమాణికంగా తీసుకున్నట్లు పౌర సంబంధాల అధికార విభాగం స్పష్టం చేసింది. రెసిడెన్సీ అనుమతి గడువు ముగిసి ఇతర దేశాల్లో ఉంటున్న కార్మికుల పర్మిట్లను మాత్రమే రద్దు చేసినట్లు వివరించింది. దీంతో రద్దైన పర్మిట్ల సంఖ్య 91,854కి చేరిందని అధికారులు వెల్లడించారు.