దోహా:మినిస్ట్రీ ఆఫ్ కామర్స్ అండ్ ఇండస్ట్రీ, మినిస్ట్రీ ఆఫ్ ఇంటీరియర్ అలాగే మినిస్ట్రీ ఆఫ్ మునిసిపాలిటీ అండ్ ఎన్విరాన్‌మెంట్ సహకారంతో వీధి వ్యాపారులపై ముకాయినిస్‌లో లైసెన్సులకు సంబంధించి తనిఖీలు నిర్వహించడం జరిగింది. వీధి వ్యాపారులు సంబంధిత చట్టాలకు అనుగుణంగా వ్యవహరిస్తున్నారా.? లేదా.? అన్న విషయాల్ని ఈ సందర్భంగా తనిఖీ చేసినట్లు అథారిటీస్ వెల్లడించాయి. ఈ సందర్భంగా మూడు ఉల్లంఘనల్ని గుర్తించినట్లు అధికారులు తెలిపారు. కమర్షియల్ లైసెన్సు లేకుండా వీధి వ్యాపారులు కార్యకలాపాలు నిర్వహిస్తే తగు చర్యలు తీసుకుంటామనీ, ప్రతి ఒక్కరూ నిబంధనలు పాటించాలనీ అధికారులు హెచ్చరించారు. తనిఖీలు నిరంతరం కొనసాగుతాయని వారు చెప్పారు.