యూఏఈ ట్రాఫిక్ పోలీసులు వాహన నిబంధనల్లో కొత్త షరతులను అమల్లోకి తీసుకొచ్చారు. ఇక నుంచి టైర్లు పాడైపోయిన కారులో ప్రయాణించినా ఫైన్ తో పాటు బ్లాక్ పాయింట్లు వేస్తామని అబుధాబిలోని ట్రాఫిక్ పోలీసులు హెచ్చరించారు. పాడైపోయి, పగుళ్లు పట్టిన టైర్లు ప్రమాదానికి కారణమవుతున్నాయని, ప్రయాణంలో ఉన్నప్పుడు టైర్లు పేలిపోవటం ద్వారా యాక్సిడెంట్లు జరుగుతున్నాయన్నది పోలీసుల వాదన. అందుకే పాతబడిన టైర్ల విషయంలో కఠినంగా వ్యవహరించాల్సి వస్తోందని వివరించారు. ఇక నుంచి ఎవరైనా పాతబడిన టైర్లను మార్చుకోకుండా కార్లను రోడ్ల మీదకు తీసుకొస్తే Dh500 జరిమానా, 4 బ్లాక్ పాయింట్లు విధిస్తామని హెచ్చరించారు. ముఖ్యంగా లాంగ్ జర్నీకి వెళ్లే వారు టైర్ల కండీషన్ ను తప్పనిసరిగా చెక్ చేసుకోవాలని సూచించారు.