యూఏఈలో పలు ప్రాంతాల్లో భూ ప్రకంపనలు చోటు చేసుకున్నాయి. నేషనల్ సెంటర్ ఫర్ మిటియరాలజీ (ఎన్‌సిఎం) ఈ విషయాన్ని వెల్లడించింది. ఇరాన్‌లో 5.7 తీవ్రతతో భూకంపం వచ్చిందనీ, తెల్లవారు ఝామున 1.30 నిమిషాలకు ప్రకంపనలు రాగా, ఆ ప్రకంపనల తాలూకు ప్రభావం యూఏఈలోనూ కనిపించిందని ఎన్‌సిఎం పేర్కొంది. యూఏఈ ఉత్తర ప్రాంతంలో ప్రజల నుంచి ఈ విషయమై మూడు ఫోన్ కాల్స్ వచ్చాయని అధికారులు తెలిపారు. అయితే, ఈ ప్రకంపనల ప్రభావం ఏమీ యూఏఈపై వుండబోదని అన్నారు.