మనామా:బహ్రెయిన్ టూరిజం మరియు ఎగ్జిబిషన్స్ అథారిటీ, జనవరి 31 నుంచి ప్రత్యేక ఈవెంట్లు మరియు అకేషన్స్‌కి అనుమతుల జారీ ప్రక్రియను పునఃప్రారంభించనున్నట్లు పేర్కొంది.  అయితే, సంబంధిత ఎస్టాబ్లిష్‌మెంట్స్ అవసరమైన మేర ఆరోగ్య జాగ్రత్తలు తీసుకోవాల్సి వుంటుంది. ఓపెన్ లేదా క్లోజ్డ్ ప్రాంతాల్లో 30 మందికి మించకుండా అతిథులకు మాత్రమే అవకాశం వుండేలా అనుమతులు జారీ చేస్తారు. 30 మందికి పైగా అతిథులు వుంటే, బిఇటిఎ ద్వారా ప్రత్యేక లైసెన్సింగ్ పొందవలసి వుంటుంది. ఈ విభాగంలో అత్యధికంగా 150 మందికి అనుమతిస్తారు. అవసరమైన పక్షంలో ఓ నర్స్‌ని కూడా అందుబాటులో వుండేలా చూస్తారు. అయితే, 48 గంటల ముందుగా ఈవెంట్ నిమిత్తం సర్టిఫికెట్  అందజేయాల్సి వుంటుంది.

--రాజేశ్వర్(మాగల్ఫ్ ప్రతినిధి, బహ్రెయిన్)