దుబాయ్: కోవిడ్ 19 వ్యాప్తి నియంత్రణకు ప్రభుత్వం చేపట్టిన చర్యలను అలక్ష్యం చేసిన వారికి జరిమాన విధించినట్లు దుబాయ్ పాలన యంత్రాంగం స్పష్టం చేసింది. ఎమిరాతి పరిధిలో తనిఖీలు చేపట్టగా పలువురు ఫేస్ మాస్కులు ధరించకపోవటం, భౌతిక దూరం పాటించకపోవటం వంటి ఉల్లంఘనలు గుర్తించినట్లు అధికారులు గుర్తించారు. మొత్తం ఐదు షాపింగ్ మాల్స్ లో తనిఖీలు నిర్వహించి..కోవిడ్ రూల్స్ బ్రేక్ చేసిన 443 మందికి జరిమానాలు విధించినట్లు వెల్లడించారు. అలాగే 1,569 హెచ్చరికలు చేసినట్లు తెలిపారు. ఇక భౌతిక దూరం పాటించకుండా 17 పబ్లిక్ గ్యాదరింగ్స్ గుర్తించామని అధికారులు వివరించారు.