మస్కట్:క్వారంటైన్ లో ఉండే వారిపై నిఘా కొనసాగించేందుకు చేతి మణికట్టుకు బిగించే బ్రాస్లెట్ పై ఒమన్ ప్రభుత్వం క్లారిటీ ఇచ్చింది. బ్రాస్లెట్ నీటితో తడిసినంత మాత్రనా పాడయ్యే అవకాశాలే లేవని, అయితే..నీటిలో వేస్తే మాత్రం చెడిపోయే అవకాశాలు ఉన్నాయని స్పష్టం చేసింది. అంటే బ్రాస్లెట్ కేవలం వాటర్ రెసిస్టెంట్ మాత్రమేగానీ, వాటర్ ప్రూఫ్ కాదని గుర్తుంచుకోవాలని వివరించింది. బ్రాస్లెట్ చేతికి ఉన్నప్పుడు స్నానం చేసినా, చేతులు కడుక్కున్నా బ్రాస్లెట్ కు ఏమి కాదు. అయితే..పూర్తిగా నీటిలో వేసి వదిలేస్తే మాత్రం పని చేయకుండా పాడయ్యే అవకాశాలు ఉన్నాయని అధికారులు పేర్కొన్నారు.

--లెనిన్ కుమార్(మాగల్ఫ్ ప్రతినిధి,ఒమన్)