హైదరాబాద్:తెలంగాణలో కరోనా ఉదృతి తగ్గుముఖం పట్టిన సంగతి తెలిసిందే.  గతంలో వేల సంఖ్యలో కేసులు నమోదవ్వగా ఇప్పుడు ఆ సంఖ్య 200 లోపే నమోదవుతున్నాయి.  తాజాగా, ప్రభుత్వం కరోనా బులెటిన్ ను రిలీజ్ చేసింది.  ఈ బులెటిన్ ప్రకారం రాష్ట్రంలో కొత్తగా 185 కరోనా కేసులు నమోదయ్యాయి.  దీంతో తెలంగాణలో ఇప్పటి వరకు నమోదైన మొత్తం కరోనా కేసుల సంఖ్య 2,94,924 కి చేరింది.  ఇందులో 2,91,312 మంది కోలుకొని డిశ్చార్జ్ కాగా, 2008 కేసులు యాక్టివ్ గా ఉన్నాయి.  ఇక తెలంగాణలో కొత్తగా కరోనాతో ఇద్దరు మృతి చెందారు.  దీంతో రాష్ట్రంలో ఇప్పటి వరకు కరోనాతో మృతి చెందినవారి సంఖ్య 1604కి చేరింది.  

--హరి(మాగల్ఫ్ ప్రతినిధి,తెలంగాణ)