కువైట్ సిటీ:కోవిడ్ మహమ్మారి నుంచి దేశ ప్రజలను రక్షించుకునేందుకు చేపట్టిన వ్యాక్సినేషన్ను మరింత ముమ్మరం చేస్తోంది కువైట్ ప్రభుత్వం.ప్రధాన్య క్రమంలో వ్యాక్సిన్ ఇస్తుండగా..ఇక రేపటి నుంచి ఇంటి వద్దకే వచ్చి వ్యాక్సిన్ ఇచ్చే కార్యక్రమాన్ని చేపట్టింది. ఈ మేరకు కువైట్ ఆరోగ్య మంత్రిత్వ శాఖ ప్రకటన విడుదల చేసింది. ప్రతి హెల్త్ జోన్ పరిధిలో రెండు మొబైల్ యూనిట్లను ఏర్పాటు చేస్తున్నట్లు వెల్లడించింది. దేశంలో కదల్లేని స్థితిలో ఉండి..వ్యాక్సిన్ కేంద్రాలకు రాలేని వారి ఇళ్ల వద్దకే వెళ్లి మొబైల్ యూనిట్లు వ్యాక్సిన్ అందిస్తాయి.