బహ్రెయిన్ లో కొత్తగా మరో మెడికల్ కాలేజీ అందుబాటులోకి వచ్చింది. రాయల్ మెడికల్ సర్వీసెస్ ఫర్ నర్సింగ్ మరియు హ్యూమన్ సైన్సెస్ కాలేజ్ బహ్రెయిన్ డిఫెన్స్ ఫోర్స్ కమాండర్ ఇన్ చీఫ్ (బిడిఎఫ్) మార్షల్ షేక్ ఖలీఫా బిన్ అహ్మద్ అల్ ఖలీఫా చేతుల మీదుగా ప్రారంభమయ్యింది. కింగ్ హమాద్ సహాయ సహకారాలతో ఈ అద్భుతాన్ని సుసాధ్యం చేసుకోగలిగినట్లు మెడికల్ కాలేజీ ప్రారంభోత్సవం సందర్భంగా కమాండర్ ఆఫ్ రాయల్ మెడికల్ సర్వీసెస్ మేజర్ జనరల్ ప్రొఫెసర్ షేక్ ఖాలిద్ బిన్ అలి అల్ ఖలీఫా చెప్పారు. దేశంలో హెల్త్ సెక్టార్ అత్యాధునిక సౌకర్యాలను సమకూర్చుకుంటోందనీ వైద్య విభాగంలో మెరుగైన ఫలితాల్ని రాబడుతోందని మినిస్టర్ ఆఫ్ డిఫెన్స్ చెప్పారు.