రియాద్:వలసదారులు, తమ రెసిడెన్సీ పర్మిట్స్ (ఇకామాస్) గడువు తీరితే వాటిని తవకల్నా అప్లికేషన్ ద్వారా రెన్యువల్ చేసుకోవచ్చని యాప్ మేనేజ్‌మెంట్ టీమ్ అధికారిక ట్విట్టర్ అకౌంట్ ద్వారా వెల్లడించింది. సౌదీ అరేబియా పౌరులు అలాగే గల్ఫ్ కోఆపరేషన్ కౌన్సిల్ దేశాలకు చెందినవారు తమ నేషనల్ ఐడీ లేదా గల్ఫ్ ఐడీ ద్వారా రిజిస్టర్ చేసుకోవచ్చు. అయితే వలసదారులెవరైనా తమ ఫైనల్ ఎగ్జిట్ వీసా కలిగి వుంటే, వారికి రిజిస్టర్ చేసుకోవడానికి అవకాశం వుండదు. విజిట్ వీసాపై వచ్చి దేశంలో వుంటోన్నవారికి రిజిస్టర్ చేసుకునే అవకాశం వుంది. పాస్‌పోర్టు నెంబర్, పుట్టిన తేదీ, జాతీయత, మొబైల్ ఫోన్ నెంబర్ అలాగే పాస్‌వర్డ్ కలిగి వుండాలి. తవకల్నా వెబ్‌సైట్ అలాగే స్మార్ట్ ఫోన్ అప్లికేషన్ ద్వారా ఈ సేవలు అందుబాటులో వుంటాయి.