మస్కట్:సబ్సిడీలు ఎత్తివేసి కొత్త టారీఫ్ లను అమలు చేయటంతో కరెంట్ బిల్లు పేలిపోతుందని ఆందోళన పడిన వినియోగదారుల అంచనాలు తలకిందులయ్యాయి. ముందస్తుగా అనుకున్న దాని కంటే తక్కువ మొత్తంలో విద్యుత్ బిల్లులు వచ్చాయి. ప్రభుత్వ రాబడిని పెంచే సంస్కరణ చర్యల్లో భాగంగా విద్యుత్, నీటి సరఫరాపై అందిస్తున్న సబ్సిడీలను ఒమన్ ప్రభుత్వం ఎత్తివేసిన విషయం తెలిసిందే. ఈ ఏడాది జనవరి నుంచే కొత్త టారిఫ్ రేట్లను కూడా అమల్లోకి తెచ్చింది. అథారిటీ ఫర్ పబ్లిక్ సర్వీసెస్ రెగ్యులేషన్ ప్రకారం, జాతీయ రాయితీలు పొందే పౌరులకు 2000 kWh / h కి 15 Bz గా విద్యుత్ పన్నును నిర్ధారించింది. అలాగే 4000 kWh కంటే ఎక్కువ వినియోగానికి 30 Bzగా పన్ను రేటును నిర్ణయించింది. అయితే..జనవరిలో జారీ అయిన బిల్లులలో 2000 kWh కు 10 Bz, 4000 kWh కంటే ఎక్కువ వినియోగానికి 20 Bz గా బిల్లులు వచ్చాయి.