రియాద్:10 మిలియన్ సౌదీ రియాల్స్ స్మగ్లింగ్ కేసులో నిందితులైన ఐదుగురు వలసదారులకు 14 ఏళ్ళ జైలు శిక్ష విధించింది ఆర్థిక నేరాల విచారణ న్యాయస్థానం. 10 మిలియన్ సౌదీ రియాల్స్ స్వాధీనం అలాగే, ఇందుకోసం వినియోగించిన సాధనాలు స్వాధీనానికి న్యాయస్థానం ఆదేశించింది. నిందితులకు 80,000 సౌదీ రియాల్స్ జరీమానా కూడా విధించింది న్యాయస్థానం. శిక్ష ముగిశాక నిందితుల్ని డిపోర్ట్ చేయాలని ఆదేశించింది న్యాయస్థానం. విదేశాలకు అక్రమంగా డబ్బు తరలింపుకు సంబంధించి నాలుగు కేసుల్ని విచారించింది ఎకనమిక్ క్రైమ్స్ ఇన్వెస్టిగేషన్ డిపార్టుమెంట్. ఈ క్రమంలో ఈ పెద్ద నేరం వెలుగు చూసింది.