రియాద్: సౌదీ పౌరుడు జమాల్ ఖస్తోగీ మరణంపై అమెరికా అందించిన రిపోర్టుని సౌదీ అరేబియా తీవ్రంగా ఖండించింది. సౌదీ నాయకత్వానికి దురుద్దేశాలు ఆపాదించేలా ఈ రిపోర్టు వుందని సౌదీ అరేబియా స్పష్టం చేసింది. ఈ మేరకు మినిస్ట్రీ స్పష్టమైన ప్రకటన చేసింది. ఆ హత్య అత్యంత హేయమైనదనీ, కొందరు వ్యక్తులు చేసిన నీఛరమైన పని అనీ, సౌదీ చట్టాలు ఇలాంటి చర్యల్ని ఉపేక్షించవనీ, ఇంతటి హేయమైన చర్యను సౌదీ అరేబియా సమర్థించుకునే పని చేయదనీ మినిస్ట్రీ తేల్చి చెప్పింది. సౌదీ నాయకత్వంపై దుష్ప్రచారం చేసే ఎలాంటి చర్యల్నీ సౌదీ అరేబియా క్షమించబోదని మినిస్ట్రీ స్పష్టం చేసింది. కాగా, అమెరికా రిపోర్టులో ఖస్తోగీ మరణానికి సౌదీ అరేబియా నాయకత్వమే కారణమని పేర్కొన్నట్లు ప్రచారం జరుగుతోంది.