మనామా:ఓ వాహనాన్ని నడుపుతున్న వ్యక్తి, ఆ వాహనం ప్రమాదానికి గురి కాగా తృటిలో ప్రాణాపాయం నుంచి బయటపడ్డాడు. బహ్రెయిన్ ఇంటర్నేషనల్ సర్క్యూట్ (జలాక్ ప్రాంతంలో) వద్ద గల్ఫ్ ఆఫ్ బహ్రెయిన్ రోడ్డుపై వెళుతుండగా ప్రమాదం జరిగింది. ముందు వెళుతున్న వాహనం వున్నపళంగా లేన్ మార్చడంతో తన వాహనం ప్రమాదానికి గురైనట్లు బాధితుడు పేర్కొన్నారు. ఈ ప్రమాదంలో తన ప్రాణాలు పోయాయని అనుకున్నాననీ, అదృష్టవశాత్తూ బయటపడ్డాననీ ఆ వ్యక్తి వెల్లడించారు. ఈ ఘటనపై విచారణ చేపట్టినట్లు పోలీసులు తెలిపారు.