కువైట్ సిటీ:తమ దేశానికి వచ్చే ప్రయాణికులకు ఎలాంటి ఆటంకాలు లేకుండా మోసాఫెర్ యాప్ లో కొన్ని ఆప్షన్లను జత పరిచింది కువైట్. కోవిడ్ వ్యాక్సిన్ తీసుకున్న వ్యక్తులు తమ వ్యాక్సిన్ సర్టిఫికెట్ ను యాప్ లో అప్ లోడ్ చేసుకోవచ్చు. అందుకు అనుగుణంగా యాడ్ ఏ సర్టిఫికెట్ అనే ఆప్షన్ ను వినియోగదారులకు అందుబాటులోకి తీసుకొచ్చారు. ఆప్షన్ పై క్లిక్ చేసి సివిల్ ఐడీ నెంబర్ ద్వారా కోవిడ్ వ్యాక్సిన్ సర్టిఫికెట్ ను అప్ లోడ్ చేయవచ్చు. తమ దేశానికి వచ్చే ప్రయాణికులు మోసాఫెర్ యాప్ తప్పనిసరిగా ఇన్ స్టాల్ చేసుకోవాలని గతంలోనే కువైట్ ఆదేశించిన విషయం తెలిసిందే. దీంతో యాప్ లో అప్ లోడ్ చేసిన సర్టిఫికెట్ ను అధికారులకు చూపించటం ద్వారా కోవిడ్ నింబంధనల నుంచి కొన్ని మినహాయింపు పొందవచ్చు.