బహ్రెయిన్: వ్యాక్సిన్ తీసుకునేందుకు సిద్ధంగా ఉన్న ఖైదీలు..దేశంలో అనుమతి పొందిన వ్యాక్సిన్లలో ఏదో ఒకటి ఎంపిక చేసుకోవచ్చని బహ్రెయిన్ ప్రకటించింది. ప్రస్తుతం అందుబాటులో ఉన్న కోవిడ్ వ్యాక్సిన్ల ప్రభావశీలతను ఇప్పటికే జైలులోని ఖైదీలకు వివరించినట్లు అధికారులు వివరించారు. వారికి అందించిన సమాచారం మేరకు ఖైదీలు ఏ వ్యాక్సిన్ ఎంపిక చేసుకుంటే ఆ వ్యాక్సిన్ వేయనున్నట్లు వెల్లడించారు. అయితే..తొలి దశ వ్యాక్సినేషన్ లో వ్యాక్సిన్ తీసుకున్న వారికి ఈ అవకాశం లేదు. కేవలం అందుబాటులో ఉన్న వ్యాక్సిన్ను మాత్రమే తీసుకోవాలని, ఫలానా కంపెనీ వ్యాక్సిన్ అని ఎంచుకునేందుకు అవకాశం లేదని అప్పట్లో ప్రకటించింది. అయితే..ప్రస్తుతం వ్యాక్సిన్ లభ్యత పెరగటం, మార్గనిర్దేశకాలు మారుతూ ఉన్న నేపథ్యంలో ఖైదీలకు వ్యాక్సిన్ ఎంపిక చేసుకునే అవకాశాన్ని కల్పించారు. ఇదిలాఉంటే ఖైదీల ఆరోగ్య సంరక్షణ కోసం పకడ్బందీగా జాగ్రత్త చర్యలు తీసుకుంటున్నట్లు మానవ హక్కుల సంస్థలు వెల్లడించాయి.