రస్ అల్ ఖైమా: రస్ అల్ ఖైమా పోలీస్ విభాగం, రెస్టారెంట్ల లోపల, రెస్టారెంట్ల వెలుపల ఇప్తార్ మీల్స్ పంపిణీపై నిషేధం విధించింది. పవిత్ర రమదాన్ మాసంలో ఇఫ్తార్ మీల్స్ పంపిణీ అనేది సర్వసాధారణంగా జరుగుతుంటుంది. అయితే, ఇళ్ళ బయట కూడా ఇఫ్తార్ మీల్స్ పంపిణీ చేయడానికి వీల్లేదని అధికారులు స్పష్టం చేశారు. రెసిడెన్షియల్ లేబర్ కాంప్లెక్సుల్లో ఇఫ్తార్ మీల్స్ పంపిణీకి అనుమతి వుంది. అయితే, బాక్సులు లేదా బ్యాగులలో మాత్రమే వాటిని పంపిణీ చేయాల్సి వుంటుంది. సోషల్ డిస్టెన్సింగ్ ప్రతి ఒక్కరూ పాటించాలని పోలీసులు హెచ్చరించారు. కరోనా నేపథ్యంలో ఈ నిర్ణయం తీసుకున్నారు అధికారులు. దుబాయ్, షార్జా అలాగే అజ్మన్ తదితర ప్రాంతాల్లో రమదాన్ టెంట్ పర్మిషన్లు కూడా రద్దు చేసిన విషయం విదితమే. ఏప్రిల్ 13 నుంచి రమదాన్ ప్రారంభం కానుంది.