బహ్రెయిన్:ముగ్గురు అరబ్ వ్యక్తులకు న్యాయస్థానం ఆరు నెలల జైలు శిక్ష విధించింది. 16 కిలోల బంగారం స్మగ్లింగ్ కేసులో నిందితులకు న్యాయస్థానం శిక్షలు ఖరారు చేసింది. ఉద్దేశపూర్వకంగా దుస్తుల కింద బంగారం దాచి, దేశంలోకి స్మగుల్ చేసేందుకు నిందితులు యత్నించినట్లు విచారణలో తేలింది. కస్టమ్స్ అధికారులు, బంగారం గురించి అడగ్గా, వారు డిక్లరేషన్‌కి అంగీకరించలేదు. తమ వద్ద బంగారం లేదని పేర్కొన్నారు. అనంతరం వారి నుంచి బంగారాన్ని అధికారులు కనుగొన్నారు. బంగారాన్ని అధికారులు స్వాధీనం చేసుకున్నారు. అప్పీల్ చేయడానికి వీలుగా 100 బహ్రెయినీ దినార్స్ పూచీకత్తుతో బెయిల్ మంజూరు చేసింది న్యాయస్థానం.

--రాజేశ్వర్(మాగల్ఫ్ ప్రతినిధి,బహ్రెయిన్)