కువైట్:బయో ఎన్ టెక్ వ్యాక్సిన్ 9వ బ్యాచ్ వచ్చే ఆదివారం అందుతుందని మినిస్ట్రీ ఆఫ్ హెల్త్ వెల్లడించింది.ఫైజర్ కంపెనీతో ఈ విషయమై నేరుగా మాట్లాడినట్లు మినిస్ట్రీకి చెందిన మెడికల్ మరియు సప్లయ్స్ విభాగం అసిస్టెంట్ అండర్ సెక్రెటరీ డాక్టర్ అబ్దుల్లా అల్ బదర్ చెప్పారు. వ్యాక్సిన్ సంబంధిత అనారోగ్య సమస్యలపై ఎప్పటికప్పుడు మినిస్ట్రీ అప్రమత్తంగా వుంటోందని వివరించారు. ప్రపంచ వ్యాప్తంగా వ్యాక్సిన్ లభ్యత వంటి అంశాలపైనా సమాచారం సేకరిస్తున్నట్లు తెలిపారు. ఫేస్ మాస్కులు ధరించడం, సోషల్ డిస్టెన్సింగ్ పాటించడంతోపాటుగా, వ్యాక్సినేషన్ కోసం రిజిస్ట్రేషన్ చేయించుకోవాలని ఆయన సూచించారు.

--దివాకర్(మాగల్ఫ్ ప్రతినిధి,కువైట్)