కువైట్ చేరుకునే అంతర్జాతీయ ప్రయాణికుల కోసం కువైట్ మోసాఫర్ లింక్(KuwaitMosafer. gov.kw) సిద్ధమైంది. ఈ లింక్ ద్వారా ప్రయాణికులు వ్యాక్సిన్ సర్టిఫికెట్ ను అప్ లోడ్ చేసుకోవచ్చు. అంతర్జాతీయంగా పలు దేశాల్లోని ల్యాబులతో మోసాఫర్ లింక్ అనుసంధానించబడి ఉంటుంది. కోవిడ్ వ్యాక్సిన్ తీసుకున్న వారికి క్వారంటైన్ నుంచి మినహాయింపు ఇస్తూ కువైట్ మంత్రివర్గం ఇటీవలె నిర్ణయం తీసుకున్న విషయం తెలిసిందే. కువైట్ చేరుకునే సమయానికి ఐదు వారాల ముందు వ్యాక్సిన్ తొలి డోసు తీసుకున్న వారికి క్వారంటైన్ నుంచి మినహాయింపు ఉంటుంది. అదే రెండు డోసుల కోర్సు పూర్తి చేసుకున్న వారు సెకండ్ డోసు తీసుకున్న రెండు వారాల తర్వాత క్వారంటైన్ నుంచి మినహాయింపు వర్తిస్తుంది.