ఖతార్: క్వారంటైన్ ఉండేవాళ్ల కోసం ఖతార్ ప్రభుత్వం కొత్తగా మరో రెండు హోటల్స్ ను కేటాయించింది. క్వారంటైన్ గదుల సంఖ్యను పెంచేందుకు ది అవెన్యూ హోటల్, డబల్ ట్రీ హోటల్స్ ను అందుబాటులోకి తీసుకొచ్చింది. దీంతో ఖతార్లో క్వారంటైన్ హోటల్స్ సంఖ్య 62కి పెరిగింది. త్రీ, ఫోర్, ఫైవ్ స్టార్ కేటగిరిలలో 8,886 హోటల్ గదులు అందుబాటులోకి వచ్చాయి. క్వారంటైన్ ప్యాకేజీలు 2,300 నుంచి ప్రారంభం అవుతాయని, మూడు పూటల ఆహారం కూడా ప్యాకేజీలో భాగమని అధికారులు వివరించారు. ఇదిలాఉంటే..విదేశాలకు వెళ్లి తిరిగివచ్చే ఖతార్ పౌరులు, గ్రీన్ లిస్టులో లేని దేశాల నుంచి వచ్చే ప్రవాసీయులు ఖచ్చితంగా వారం పాటు తమ సొంత ఖర్చులతో క్వారంటైన్లో ఉండాలని ఖతార్ ఆదేశించిన విషయం తెలిసిందే.