ఒమన్:రాత్రివేళలో అక్రమంగా చేపల వేట కొనసాగిస్తున్న 30 మంది ప్రవాసీయులను అరెస్ట్ చేసినట్లు ఒమన్ అధికారులు వెల్లడించారు.ఒమన్ చట్టాల మేరకు  ప్రవాసీయులను మత్స్యకార్మికులకు నియమించటాన్ని నిషేధించారు.అయినా..తక్కువ ఖర్చులో చేపల వేటను కొనసాగించేందుకు కొందరు బోటు ఓనర్లు, ఇతర స్థానికులు ప్రవాసీయులను వినియోగించుకుంటున్నారు.రాత్రి వేళలో గుట్టుచప్పుడు కాకుండా చేపల వేటకు పంపిస్తున్నారు. అయితే..జలవనరులు, వ్యవసాయ, మత్స్య పరిశ్రమ డైరెక్టరేట్ అధికారులు నిర్వహించి తనిఖీల్లో అక్రమ చేపల వేట బాగోతం బయటపడింది. అల్ వుస్టా గవర్నరేట్‌లోని ఫిష్ కంట్రోల్ టీం మసీరా విలాయత్‌లో సముద్ర ప్రాంతంలో చేపల వేటకు వెళ్లిన ప్రవాసీయులను అదుపులోకి తీసుకుంది.