సౌదీ: 15 ఏళ్ళ వయసులోపు చిన్నారులకు రమదాన్ సందర్భంగా ప్రొఫెట్ మసీదులోకి అనుమతి లేదని మసీదు జనరల్ ప్రెసిడెన్సీ స్పష్టం చేసింది. కరోనా పాండమిక్ నేపథ్యంలో ఈ నిర్ణయం తీసుకున్నారు. జనరల్ ప్రెసిడెన్సీ ఫర్ ది ఎఫైర్స్ ఆఫ్ ప్రొఫెట్ మాస్క్ (మసీదు), తరావీహ్ ప్రార్థనల సమయాన్ని సగానికి తగ్గించింది. తరావీహ్ ప్రార్థనల తర్వాత 30 నిమిషాల అనంతరం మసీదుని మూసివేస్తారు. ఇతికాఫ్ (మసీదులో కొన్ని రోజులు వుండడం) కూడా నిషేధించింది. మాస్కు వద్ద ఉపవాస దీక్షల విరమణ చేసేవారికి నీరు, పండ్లు అందించబడతాయి. అయితే, వాటిని ఇతరులతో పంచుకోవడం నిషేధం. ఎక్కువమంది గుమికూడటాన్నీ నిషేధించారు. సహూర్ మీల్స్ పంపిణీ కూడా మసీదు కోర్టు యార్డు పరిధిలో అనుమతించరు. నేషనల్ పార్కింగ్ యాప్ మావ్కిఫ్ వినియోగించాలని వర్షిపర్స్ కి సూచించింది అథారిటీ.

--జయ(మాగల్ఫ్ ప్రతినిధి,సౌదీ అరేబియా)