కువైట్ సిటీ: ఆస్ట్రా జెనకా వ్యాక్సిన్ దేశంలోకి చేరుకోగానే, అన్ని వ్యాక్సినేషన్ సెంటర్లలోనూ అత్యంత వేగంగా వ్యాక్సినేషన్ ప్రక్రియ కొనసాగుతుందని సంబంధిత వర్గాలు పేర్కొన్నాయి. మూడు అదనపు వ్యాక్సినేషన్ సెంటర్లను కొత్తగా ఆయా గవర్నరేట్లలో ఏర్పాటు చేయనున్నారు. ప్రస్తుతం వున్న 30 వ్యాక్సినేషన్ సెంటర్లకు ఇవి అదనం. 10 ఫీల్డ్ వ్యాక్సినేషన్ యూనిట్లు కూడా పనిచేయనున్నాయి. మసీదుల్లో పనిచేసే వర్కర్లు, అసోసియేషన్స్, కమర్షియల్ కాంప్లెక్సులు, విమానాశ్రయాల్లోనూ వ్యాక్సినేషన్ కోసం ఏర్పాట్లు చేస్తున్నారు. రెండు వారాల్లో మూడో బ్యాచ్ ఆస్ట్రా జెనకా వ్యాక్సిన్లు దేశానికి చేరుకోనున్నాయి.