మరోసారి ఇంద్రగంటి-సుధీర్ బాబు కాంబినేషన్ లో సినిమా
- April 20, 2021హైదరాబాద్: ఇంద్రగంటి మోహనకృష్ణ పేరు వినగానే వైవిధ్యంతో తెరకెక్కిన ‘అష్టా-చమ్మా’, ‘గోల్కొండ హైస్కూల్’, ‘జెంటిల్మేన్’, ‘అమీ తుమీ’, 'సమ్మెహనం' వంటి సినిమాలు గుర్తుకు వస్తాయి. మూడేళ్ల క్రితం సుధీర్ బాబు, అదితీరావు హైదరితో ఇంద్రగంటి మోహనకృష్ణ సినిమా నేపథ్యంగా తీసిన ‘సమ్మోహనం’ ప్రేక్షకుల మన్ననలు పొందింది. ఆ తరువాత సుధీర్ బాబు, నానితో యాక్షన్ ఎంటర్ టైనర్ గా ‘వీ’ తెరకెక్కించాడు ఇంద్రగంటి. పవర్ పుల్ పోలీస్ ఆఫీసర్ గా సుధీర్ నటించిన ఈ సినిమా ఓటీటీలో విడుదలై అంతగా ఆకట్టుకోలేపోయింది. ఆ తర్వాత బాక్సీఫీస్ వద్ద కూడా చతికిలపడింది.ఇప్పుడు సుధీర్ బాబుతో మరో సినిమా చేస్తున్నాడు ఇంద్రగంటి. దీనికి 'ఆ అమ్మాయి గురించి మీకు చెప్పాలి' అనే టైటిల్ ని నిర్ణయించారు. ‘సమ్మోహనం’ తరహాలో ఈ చిత్రం కూడా సినిమా నేపధ్యంలో తెరకెక్కుతోంది. డైరక్టర్ గా చేస్తున్న ఓ వ్యక్తి కొన్ని సరదా సంఘటనలు సీరియస్ విషయానికి లీడ్ చేసి సమస్యలో పడేస్తే ఏం చేస్తాడు? వాటిని ఎలా తెలివిగా డీల్ చేసి సినిమా పూర్తి చేసాడన్నదే సినిమా కథ అట. ఇందులో సుధీర్ కి జోడీగా కృతిశెట్టి నటిస్తోంది. బెంచ్ మార్క్ స్టూడియోస్ పతాకంపై బి. మహేంద్ర బాబు, కిరణ్ బల్లపల్లి నిర్మిస్తున్నారు. వివేక్ సాగర్ సంగీతం అందిస్తున్న ఈ చిత్రంలో వెన్నెల కిషోర్, అవసరాల శ్రీనివాస్, రాహుల్ రామకృష్ణ, శ్రీకాంత్ అయ్యంగార్, కళ్యాణి నటరాజన్ ఇతర ముఖ్యపాత్రధారులు.
తాజా వార్తలు
- IELTS కు బహ్రెయిన్ విద్యార్థులు ఆసక్తి..!
- రియాద్లో మొదటి ఈయూ ఛాంబర్ ఆఫ్ కామర్స్ ప్రారంభం
- మోటార్సైకిల్కు నిప్పంటించిన ముగ్గురు అరెస్టు
- 2024 చివరి నాటికి యూనిఫైడ్ GCC టూరిస్ట్ వీసా
- యూఏఈలో ICSE, ISC ఫలితాలు విడుదల
- హట్టా పర్వతాల నుండి బ్రిటిష్ హైకర్ ఎయిర్ లిఫ్ట్
- అహ్మదీ గవర్నర్ను కలిసిన భారత రాయబారి
- 7 వికెట్ల తేడాతో హైదరాబాద్ పై ముంబై విజయం
- ప్రపంచ రెండో ర్యాంకర్కు షాకిచ్చిన మనిక బాత్రా…
- TSRTC: పాస్ ఉంటే డీలక్స్ బస్సులోనూ ప్రయాణం…