కువైట్: కువైటీ ఆస్ట్రానమర్ అదెల్ అల్ షాదౌన్ వెల్లడించిన వివరాల ప్రకారం మే 13, గురువారం, షవ్వాల్ నెల మొదటి రోజు అలాగే ఈద్ అల్ ఫితర్ అని తెలుస్తోంది. మే 12న రమదాన్ మాసం 30వ రోజున సూర్యుడు 6.32 నిమిషాలకు అస్తమిస్తాడనీ, ఆ తర్వాత చంద్రుడు కనిపిస్తాడనీ ఆయన వెల్లడించారు. క్రిసెంట్ మూన్ తిలకించేందుకు అనుకూలమైన పరిస్థితులే వుంటాయని ఆయన పేర్కొన్నారు. చంద్రుడి వెడల్పు 12 సెకెండ్ల పాటు వుంటుందని, సాధారణ కంటితో చూడటం కష్టమని ఆయన వెల్లడించారు. వెస్టర్న్ సౌదీ అరేబియా, అరబ్ మగ్రెబ్ ప్రాంతాల్లో సాధారణ కంటితో చూడటానికి వీలవుతుందని ఆయన తెలిపారు.