జెడ్డా: గర్భిణీ స్త్రీలు కూడా కోవిడ్ 19 వ్యాక్సిన్ తీసుకోవచ్చని మినిస్ట్రీ ఆఫ్ హెల్త్ వెల్లడించింది. స్పెషలైజ్డ్ సైంటిఫిక్ కమిటీ సూచనల మేరకు గర్భిణీ స్త్రీలు కూడా వ్యాక్సినేషన్ తీసుకోవచ్చని మినిస్ట్రీ తమ అధికారిక ట్విట్టర్ హ్యాండిల్ ద్వారా తెలిపింది. వ్యాక్సిన్ వల్ల గర్భిణీలకు ఎలాంటి ఇబ్బంది వుండదని పలు అధ్యయనాలు వెల్లడించిన దరిమిలా, ఈ నిర్ణయం తీసుకున్నట్లు హెల్త్ అథారిటీస్ పేర్కొన్నాయి. అయితే, కరోనా బారిన పడ్డ గర్భిణీ స్త్రీలకు మాత్రం కొన్ని రకాల సమస్యలు వచ్చే అవకాశం వున్నట్లు అథారిటీస్ వివరించాయి.