సౌదీ: వ్యాక్సిన్ తీసుకున్న పర్యాటకులను దేశంలోకి అనుమతించే నిబంధనలను సౌదీ ప్రభుత్వం అప్ డేట్ చేసింది. ఇక నుంచి అమెరికాకు చెందిన జాన్సన్&జాన్సన్, మోడెర్న కోవిడ్ వ్యాక్సిన్ తీసుకున్న పర్యాటకులను కూడా ఎలాంటి ఆంక్షలు లేకుండా అనుమతించేందుకు కింగ్డమ్ ఆరోగ్య మంత్రిత్వ శాఖ ఆమోదం తెలిపింది. ఇప్పటివరకు ఫైజర్ బయోన్టెక్, అస్ట్రాజెన్కా వ్యాక్సిన్లు తీసుకున్న పర్యాటకులకు మాత్రమే ఆంక్షల నుంచి మినహాయింపు ఇచ్చిన సౌదీ..లేటెస్ట్ గా జాన్సన్& జాన్సన్, మోడెర్న వ్యాక్సిన్ తీసుకున్న పర్యాటకులను కూడా అదే జాబితాలో చేర్చించింది. అంటే సౌదీ ఆరోగ్య శాఖ అనుమతి పొందిన ఆయా వ్యాక్సిన్ తీసుకున్న టూరిస్టులు, రెసిడెంట్స్, విజిటర్స్ కింగ్డమ్ కు వెళ్లినప్పుడు క్వారంటైన్లో ఉండాల్సిన అవసరం ఉండదు. అయితే..సౌదీ అనుమతి లేని వ్యాక్సిన్ తీసుకున్న నాన్-సౌదీలు మాత్రం తప్పకుండా క్వారంటైన్ నిబంధన పాటించాలని స్పష్టం చేసింది.