కువైట్: చెల్లుబాటయ్యే రెసిడెన్సీ కలిగి వుండి, వ్యాక్సినేషన్ పొందిన వలసదారులకు (కొన్ని ఎంపిక చేసిన దేశాలకు చెందినవారికి)దేశంలోకి అనుమతిచ్చే విషయమై అథారిటీస్ చర్చిస్తున్నాయి. ఆస్ట్రా జెనకా, ఫైజర్, మోడెర్నా, జాన్సన్ అండ్ జాన్సన్ తదితర ఆమోదం పొందిన వ్యాక్సిన్లను ఒక డోసు లేదా రెండు డోసులు పొందిన వలసదారులకు, క్వారంటైన్ నిబంధనలతో కూడిన అనుమతిని ఇచ్చేందుకు వీలుగా సంబంధిత అధికారిక వర్గాలు కసరత్తులు ప్రారంభించాయి. హై రిస్క్ దేశాల నుంచి వచ్చేవారికి మాత్రం ఎట్టి పరిస్థితుల్లోనూ దేశంలోకి రానిచ్చే పరిస్థితి లేదని సంబంధిత వర్గాలు అంటున్నాయి. సంబంధిత డేటాపై ఎప్పటికప్పుడు చర్చిస్తున్నామని, ప్రపంచ వ్యాప్తంగా వివిధ దేశాల్లో కరోనా పరిస్థితులపై వాకబు చేస్తున్నామని అధికారులు తెలిపారు.