అబుధాబి: నెమ్మదిగా వాహనాలు నడిపే వాహనదారులు, కుడి వైపుకి మళ్ళడం ద్వారా వేగంగా వెళ్ళే వాహనాలకు దారి ఇవ్వాల్సి వుంటుందనీ, అలా చేయని వాహనదారులకు 400 దిర్హాముల వరకు జరిమానా పడుతుందని అబుధాబి పోలీస్ హెచ్చరించడం జరిగింది. అలా దారి ఇవ్వకపోవడం వల్ల జరిగే ప్రమాదాలకు సంబంధించిన ఓ వీడియోను సోషల్ మీడియాలో పోస్ట్ చేసింది అబుధాబి పోలీస్. కుడి వైపు నుంచి వాహనాల్ని ఓవర్ టేక్ చేయరాదని కూడా పోలీసులు హెచ్చరించారు. ఎడమ వైపు లేన్, అత్యంత వేగంగా వెళ్ళే వాహనాల కోసం కేటాయించబడిందని అధికారులు గుర్తు చేస్తున్నారు.