మక్కా: సౌదీ మినిస్ట్రీ ఆఫ్ హజ్ మరియు ఉమ్రా, ‘మక్కా అవార్డ్ ఆఫ్ ఎక్సలెన్స్’ని గెలుచుకుంది. హజ్ స్మార్టు కార్డు సహా వివిధ విభాగాల్లో సాంకేతికంగా ప్రతిభ చూపి, మెరుగైన సేవలందించినందుకుగాను ఈ ఘనత దక్కించుకోవడం జరిగింది. సౌదీ డిప్యూటీ మినిస్టర్ ఆఫ్ హజ్ మరియు ఉమ్రా డాక్టర్ అబ్దల్ ఫత్తాహ్ బిన్ సులైమాన్ మషత్ మాట్లడుతూ, క్యాంపులను యాక్సెస్ చేయడానికి, వాహనాలు అలాగే హోటల్స్ గురించి సమాచారం తెలుసుకోవడానికీ, ఏటీఎంల వినియోగం, పీఓఎస్ చెల్లింపులకీ వీలుగా ఈ స్మార్టు కార్డు ఉపయోగపడుతుందని చెప్పారు. యాత్రీకుల కోసం ప్రత్యేకంగా దీన్ని రూపొందించారు. చాలా సేవలు, అలాగే సమాచారం ఈ స్మార్ట్ కార్డులో పొందుపరిచారు. స్మార్ట్ యాప్ ద్వారా వీటి యాక్సెస్ వుంటుంది.