అబుదాబీ: అబుదాబీ ఎమర్జన్సీ, క్రైసిస్ మరియు డిజాస్టర్స్ కమిటీ.. విద్యార్థులు తిరిగి స్కూళ్ళకు 2021-22 విద్యా సంవత్సరం నిమిత్తం వచ్చేందుకుగాను ఆమోదం తెలిపింది. అబుదాబీలోని స్కూల్ ఆపరేటర్లు, విద్యార్థుల తల్లిదండ్రులు, ప్రిన్సిపల్స్ అలాగే టీచర్లతో చర్చలు జరిపాక ఈ నిర్ణయం తీసుకోవడం జరిగింది. సెక్యూరిటీ సిబ్బందితోపాటు 80 శాతం మందికి పైగా టీచర్లకు వ్యాక్సినేషన్ కూడా పూర్తి చేశారు. విద్యార్థులకు ఎలాంటి సమస్యలూ తలెత్తకుండా అన్ని జాగ్రత్తలు తీసుకుని, విద్యా సంవత్సరాన్ని నిర్వహించేందుకు నిర్ణయం తీసుకున్నారు. 70 శాతం మంది విద్యార్థులు తిరిగి స్కూళ్ళకు వచ్చే అవకాశం వుందని అంచనా వేస్తున్నారు.