సూపర్‌స్టార్‌ రజనీకాంత్‌కు తమిళనాడులోని మధురై కోర్టు సమన్లు జారీ చేసింది. 'లింగ' సినిమా స్క్రిప్టు స్టోరీలైన్‌ మరో స్క్రిప్టు రచయితకు చెందినదని దాఖలైన పిటిషన్‌కు సంబంధించి జిల్లా అదనపు మున్సిఫ్‌ కోర్టు రజనీకాంత్‌తో పాటు సినిమా ప్రొడ్యూసర్‌ రాక్‌లైన్‌ వెంకటేశ్‌, బి పొన్నుకుమార్‌, దర్శకుడు కేఎస్‌ రవికుమార్‌లను, ఫిర్యాదుదారు కేఆర్‌ రవిరతినమ్‌లను కోర్టుకు హాజరుకావాల్సిందిగా మంగళవారం సమన్లు పంపింది. కేఆర్‌ రవిరతినమ్‌ తన స్క్రిప్టు స్టోరీలైన్‌ను లింగ సినిమాకు వాడుకున్నారని ఫిర్యాదు చేయడంతో విచారణ జరుగుతోంది.