యూఏఈ: బిల్ పేమెంట్ తో వచ్చే ఈ మెయిల్స్ పట్ల వినియోగదారులు అప్రమత్తంగా ఉండాలని దుబాయ్ ఎలక్ట్రిసిటీ& వాటర్ అథారిటీ DEWA హెచ్చరించింది. బిల్ పేమెంట్లు చేయాలంటూ కొందరు సైబర్ నేరగాళ్లు DEWA పేరుతో ఈ మెయిల్ పంపిస్తున్నట్లు తమ దృష్టికి వచ్చిందని అప్రమత్తం చేశారు. DEWA పేరుతో వచ్చే ఈ మెయిల్స్ సరైనవో లేదా ఫ్రాడ్ ఈ మెయిల్సో ఒకటికి రెండు సార్లు చెక్ చేసుకోవాలని సూచించింది. నకిలీ అడ్రస్ నుంచి వచ్చినట్లు గుర్తిస్తే ఎట్టిపరిస్థితుల్లో అటాచ్మెంట్ ఫైల్ ఒపెన్ చేయోద్దని అధికారులు హెచ్చరించారు. ఆ అటాచ్మెంట్ ఫైల్స్ ఓపెన్ చేయగానే మాల్ వేర్ ద్వారా మీ వ్యక్తిగత సమాచారం, క్రెడిట్ కార్డు, బ్యాంక్ అకౌంట్ వివరాలను సైబర్ నేరగాళ్లు తస్కరించే అవకాశాలు ఉన్నాయని వెల్లడించింది. విద్యుత్, కరెంట్ బిల్లులను DEWA అధికారిక ఛానెల్ ద్వారానే చెల్లించాలని కోరింది.