కువైట్: వ్యాక్సినేషన్ చేయించుకోనివారికి ‘మాల్స్’లోకి ప్రవేశాన్ని నిషేధించడంతో, వ్యాక్సినేషన్ కోసం రిజిస్ట్రేషన్లు గణనీయంగా పెరిగినట్లు అధికారిక వర్గాలు పేర్కొన్నాయి. మాల్స్ అలాగే కమర్షియల్ కాంప్లెక్సులు, కేఫ్స్, రెస్టారెంట్లు, సెలూన్లు, హెల్త్ క్లబ్బులు, సినిమాలు అలాగే కల్చరల్ కేంద్రాల్లోకి వ్యాక్సినేషన్ పొందనివారికి ‘నో ఎంట్రీ’ అంటూ మినిస్ట్రీ ఇటీవల ఆదేశాలు జారీ చేసింది. కాగా, కొత్తగా రోజుకి 2000 నుంచి 5000 వరకు కొత్త రిజిస్ట్రేషన్లు జరుగుతున్నాయి. మిష్రెఫ్ వ్యాక్సినేషన్ కేంద్రంలో ఒకే రోజు 25,000 డోసుల్ని అందించడం జరిగింది. ఇతర కేంద్రాల్లో 15,000 డోసుల వ్యాక్సినేషన్ ఇచ్చారు. మొత్తంగా ఒకే రోజు.. 40,000 మందికి వ్యాక్సినేషన్ చేయడం జరిగింది.

--దివాకర్(మాగల్ఫ్ ప్రతినిధి,కువైట్)